Հայաստանի Հանրապետության Ազգային ժողովի խորհրդարանական խմբակցությունները, համատեղ քննարկում անցկացնելով, որոշում են կայացրել հետաձգել մարտի 26-ին նախատեսված ավանդական ճեպազրույցները մինչեւ երկուշաբթի: «Լուսավոր Հայաստան» կուսակցության խորհրդարանական խմբակցության քարտուղար Գեւորգ Գորգիսյանը NEWS.am-ի թղթակցի հետ զրույցում վստահեցրել է, որ այս որոշումը կապված չէ արտակարգ դրության խստացման հետ: Ըստ Գորգիսյանի` այս պրակտիկան երբեմն կիրառվում է եւ զուտ տեխնիկական բնույթ է կրում: