Առատ ձյան և անբավարար տեսանելիության պատճառով փակ է Վարդենյաց լեռնանցքը (Սելիմ), իսկ Սոթք-Քարվաճառ ճանապարհահատվածը դժվարանցանելի է բոլոր տեսակի տրանսպորտային միջոցների համար: Գեղարքունիքի և Շիրակի մարզերում ուժեղ քամու պատճառով առկա է բուք, ուստի, անվտանգության նկատառումներից ելնելով, վարորդներին խորհուրդ է տրվում նշված հատվածով երթևեկել խիստ անհրաժեշտության դեպքում և բացառապես ձմեռային անվադողերով: ՀՀ Արտակարգ իրավիճակների նախարարությունից Irakanum.am-ին փոխանցեցին, որ Վերին- Լարս ավտոճանապարհը փակ է բոլոր տեսակի ավտոմեքենաների համար: Այս պահին Վերին- Լարսում կա շուրջ 450 կուտակված մեքենա:
