Այսօր` հունվարի 19-ին, խոշոր ավտովթար է տեղի ունեցել Գեղարքունիքի մարզում։ Ժամը 12։35-ի սահմաններում Սևան-Մարտունի-Գետափ ավտոճանապարհի 22․3 կմ-ին բախվել են Գավառ քաղաքի բնակիչ 57-ամյա Աշոտ Ս-ի վարած Renault մակնիշի 36 CF 618 համարանիշի և Գեղարքունիքի մարզի բնակիչ 65-ամյա Բաղդասար Գ-ի վարած Mercedes մակնիշի 35 XV 574 համարանիշի ավտոմեքենաները։ Ինչպես հայտնում է Shamshyan.com-ը, վթարի հետևանքով վարորդներից Աշոտ Ս-ն, նրա ուևորներ՝ Գավառի բնակիչներ 34-ամյա Հովհաննես Ս-ն, 51-ամյա Աննա Գ-ն , 53-ամա Հասմիկ Ս-ն, 53-ամյա Աիդա Հ-ն և Mercedes-ի վարորդ Բաղդասար Գ-ն մարմնական վնասվածքներով տեղափոխվել են «Գավառ» բժշկական կենտրոն։