Սուր իշեմիկ կաթվածի անվճար բժշկական ծառայությունից արդեն իսկ օգտվել է 133 քաղաքացի: Այդ մասին գրել է Առողջապահության նախարար Արսեն Թորոսյանը ֆեյսբուքյան իր էջում: Նա տեղադրել է նաև հոլովակ այն մասին, թե ովքեր են շահառուները և ինչ ընթացակարգով է տրամադրում բուժօգնությունը: Հանկարծակի դեմքի ծռվածությունը, վերջույթների թուլությունը, հավասարակշռության և խոսքի կտրուկ խանգարումները կարող են լինել գլխուղեղի սուր կաթվածի ախտանշաններ: Նշված ախտանիշներից գոնե մեկի առկայության դեպքում հարկավոր է դիմել «Շտապ օգնությոան» ծառայություն, տեղամասային պոլիկլինիկա կամ կաթվածի համապարփակ կենտրոն: Մանրամասները՝ հոլովակում: