«Չգիտեմ այս քննարկումները երբ կավարտենք։ Բայց եթե ի վերջո որոշենք, որ առաջադրվելու է իմ թեկնածությունը, ապա դա կլինի իմ կողմից մեկ հավելումով ՝ առ այն, որ սահմանադրական լիազորությունների ամբողջական իրականացմանը զուգահեռ ավելի շատ ժամանակ եմ հատկացնելու երիտասարդ քաղաքական լիդերներին մեր երկրի անցած տարիների երևացող ու չերևացող ողջ փորձը փոխանցելու գործին»,- երեկ հայտարարել է  Սերժ Սարգսյանը, պատասխանելով այն հարցին, թե ի վերջո հավակնում է արդյո՞ք վարչապետի պաշտոնին: Ըստ էության Սերժ Սարգսյանը հայտարարում է, որ հենց ինքն է լինելու վարչապետը: Այսօր ԱԺ-ում Irakanum.am-ը ՀՀԿ մամլո խոսնակ Էդուարդ Շարմազանովից հետաքրքրվեց, թե այդ դեպքում որտե՞ղ է լինելու գործող վարչապետ Կարեն Կարապետյանը: «Հանրապետական կուսակցությունում»,- ասաց Շարմազանովը: Նշենք, որ շրջանառվող տեղեկությունների համաձայն Կարեն Կարապետյանը կզբաղեցնի առաջին փոխվարչապետի պաշտոնը: