Երևանի ավագանու այսօրվա նիստում Վազգեն Սարգսյանի փողոցը անվանակոչելու մասին հարցի վերաբերյալ ելույթով հանդես եկավ ավագանու ՀՀԿ խմբակցության անդամ Լևոն Իգիթյանը:
«Հարգելի քաղաքապետ, սիրելի գործընկերներ, բայց սա բոլորին չի վերաբերում», - իր խոսքն այսպես սկսեց Իգիթյանը:
Նա ասաց, թե հայտնվել են չարորակ քաղաքական թզուկներ, որ ավագանու նիստը անընդհատ տանում են դեպի քաղաքականություն:
«Տիկինը երկու անգամ եղել է պատգամավոր Ազգային ժողովում, ինքը մեզանից ստացել է 120 հազար դոլար որպես աշխատավարձ, բոնուսները չեմ ասում, ուզում եմ հասկանամ դիմացը ինչ ա ստացել էդ փողը ստացողը», - ասաց Լևոն Իգիթյանը:
Նա շեշտեց` Զարուհի Փոստանջյանն անընդհատ ասում է «ես էսպես եմ հասկանում, էսպես եմ կարծում»:
«Իսկ դու ո՞վ ես, «кто ты такой»», - ասաց ՀՀԿ-ականը՝ ապա ավելացրեց. «Ես որ իմ արածները էս երկրի համար վզիդ դնեմ, գրիժա կստանաս, դու ո՞նց ես ինձ դատի տալիս»:
«Դուք սեր չեք վայելում, դուք թշնամի եք: Կինը դեպի իրեն ձգող հատկություն է ունենում, դուք դա չունեք, դուք ի՞նչ կին, ստեղ-ընդեղ, ժուռնալիստներին ասել եք ձեռ են տվել, դու ինչ ձեռք տալու մարդ ես, այ մարդ», - եզրափակեց խոսքը Լ. Իգիթյանը:
00:00:00
