Սասնա Ծռեր համահայկական կուսակցության Քարտուղարության անդամ  Գևորգ  Սաֆարյանի  հարցազրույցը   -Անցած տարիների ձեռքբերումներին զուգահեռ ի՞նչ խնդիրներ եք տեսնում բանակում: -Բանակի ստեղծումը դրվել է սխալ հիմքերի վրա: Արցախյան պատերազմից հետո Հայաստանը փոխանակ ստեղծելու հայկական բանակ, որպես օրինակ վերցրեց Սովետական բանակը, որի փիլիսոփայությունն էր «մենք կհաղթենք քանակով, այլ ոչ թե որակով»: Նման փիլիսոփայությունը ՀՀ նման փոքր երկրների համար էֆեկտիվ չէ: Ինչպես նաև Սովոտական բանակից ժառանգվեցին ներքին կանոնակարգերն ու միջանձնային փոխհարաբերությունները: Վերոգրյալի հետևանքով մենք չստեղծեցինք հայկական բանակ, այլ ունեցանք Սովետական բանակի փոքր տեսակ: Այսօր

1. անհրաժեշտ է օր առաջ հրաժարվել Սովետական բանակի մոտեցումներից և ստեղծել մեր երկիրը պաշտպանող էֆեկտիվ Հայկական բանակ, որի փիլիսոփայությունը կլինի «մենք կհաղթենք որակով, այլ ոչ թե քանակով»:

  -Ի՞նչ առաջնահերթ հարցեր կան , որոնք ըստ Ձեզ պետք է լուծվեն ՀՀ Զինված ուժերում:  

2. Զինված ուժերի մարտունակությունը կախված է հիմնականում երկու բաղադրիչից՝ անձնակազմի պատրաստվածություն և զինվածություն: Ցավոք, մեր բանակում անձնակազմի պատրաստվածության մակարդակը շատ բարձր չէ, որի պատճառներից է նաև այն, որ Հայաստանը այս տասնամյակների ընթացքում խնդիր չդրեց ստեղծելու ինքնուրույն և բարձրակարգ ռազմակրթական համակարգ:

Ցավոք զինվածության առումով հայկական բանակը համալրված չէ ժամանակակից ճշգրիտ զենքերով և զինտեխնիկայով: Ապրիլյան պատերազմից հետո հանրության լայն շերտերին պարզ դարձավ, որ Հայաստանը մեծամասամբ զինված է 80-ականների զենքերով: Լրջագույն խնդիրներից է նաև հակառակորդի հետ շփման գծում մեր պաշտպանության կազմակերպվածքը:  Դիրքերը արդիական և խոցման համակարգերով կահավորելու փոխարեն, մենք մեծ քանակի զինվորներ ենք պահում դիրքերում և բանակի զգալի մասը մաշում դիրքապահ ծառայությունում: Անհրաժեշտ է օր առաջ  ստեղծել ինքնուրույն և բարձրորակ ռազմակրթական համակարգ, ձեռնամուխ լինել բանակի արդիականացմանը  և համալրմանը ժամանակակից և ճշգրիտ զինտեխնիկայով: Շփման գծից պետք է հեռացնել 18 տարեկան ժամկետային զինծառայողներին և նրանց փոխարինել պայմանագրային պատրաստված զինծառայողներով, ինչպես նաև համալրել դիրքերը ժամանակակից հայտնաբերման և խոցման համակարգերով:  

2. –Ի՞նչ կմաղթեք այսօր մեր սահմանը պահող տղաներին:

-Ինչպես նախկինում, այնպես էլ ապրիլյան պատերազմի ժամանակ սահմանը պահող մեր զինվորները ապացուցեցին, որ անգամ զենքի և ռազմամթերքի սղության, հակառակորդի քանակական գերակայության պայմաններում  նրանք պատրաստ են քաջաբար կռվելու և պաշտպանելու երկիրը՝ անգամ սեփական կյանքի գնով: Մենք ողջունում և շնորհավորում ենք մեր բոլոր զինծառայողներին բանակի օրվա կապակցությամբ , հատկապես դիրքերը պահող տղաներին և հավաստիացնում,  որ անհրաժեշտության դեպքում կանգնած ենք լինելու նրանց կողքին՝ խրամատում:    

3. –Ձեր կարծիքը Փաշինյան-Ալիև հանդիպման վերաբերյալ , ինչ-որ մտահոգություններ տեսնու՞մ եք:

-Նախ ցանկալի կլիներ, որ պարոն Փաշինյանը բացահայտեր նախորդ իշխանությունների կողմից Արցախի խնդրի շուրջ տարված բանակցությունների մանրամասները: Հանրության համար ակնհայտ է, որ այդ բանակցությունները տարվել են հայկական շահին դեմ և հանդիսանում են  պետական հավաճանություն: Դրա ակնհայտ օրինակներից է ապրիլյան պայմանավորված պատերազմը, որի արդյունքում մենք կորցրեցինք 800 հա տարածք և ունեցանք 100-ից ավելի զոհ: Հյատնի է նաև, որ 2016 թվականին Սերժ Սարգսյանը պատրաստվում էր հանձնել շատ ավելի մեծ տարածքներ , որը կանխվեց ՊՊԾ գնդի գրավմամբ: Ցավոք այսօր նույնպես հանրությունը տեղեկացված չէ բանակցությունների  բովանդակությւոնից , ինչը հանրության շրջանում ստեղծում  է մտահոգություններ և որոշ դեպքերում անգամ  ծնում լեգենդներ : Անհրաժեշտ է, որպեսզի հանրությունը տեղեկացված լինի բանակցությունների ընթացքին և մասնակից լինի կայացվող որոշումներին:  

2. –Ըստ Ձեզ ո՞րն է Արցախի լուծման բանալին:

-Արցախի հարցն  իսկզբանե դրվել էր ճիշտ ուղու վրա, սակայն հետագայում ստրկամիտ ղեավարների կողմից տարվել է սխալ ուղղությամբ:  Արցախի հարցը հայ ժողովրդի կողմից բարձրացվել է որպես Արցախը ՀՀ-ին վերամիավորելու պահանջ: Ավագ սերունդը հիշում է, թե ինչպես էին Երևանի և Ստեփանակերտի հրապարակներում մարդիկ բացականչում միացման կոչեր : Սակայն հետագայում  ՀՀ ստրկամիտ իշխանությունների կողմից ճանաչվեց Ադրբեջանի տարածքային ամբողջականությունը՝  Արցախը ներառյալ , իսկ Արցախում շարժման ստրկամիտ ղեկավարները հանրաքվեի դրեցին ոչ թե Արցախի միավորման , այլ այսպես կոչված անկախության հարցը: Արցախի հարցի լուծումը պետք է վերադառնա իր սկզբնակետին և իրացվի հայ ժողովրդի կամքը՝ Արցախը ՀՀ-ին վերամիավորելով: