Politik.am-ի փոխանցմամբ՝ «Բակլաչոֆֆ» ՍՊԸ-ն հանդիսանում է Երևանում գործող դինամիկ զարգացող ընտանեկան ռետսորանների ցանցի սեփականատերն ու օպերատորը: Ցանցը ձևավորվել է 2011 թվականին և այսօր Երևանում ունի արդեն գործող՝ 4 ռեստորանային համալիր:

 «Ջրաղաց» , «Հաջողության Ջենտլմեններ», «Կովկասի Գերուհի», «Չայխոնա»՝ և 1 ռեստորան Ծաղկաձորում:

«Չայխոնան»  գտնվում է Հյուսիսային պողոտայում՝ զբաղեցնելով բավական մեծ տարածք, որի սեփականատերն է նախկին Տրանսպորտի և կապի նախարար Գագիկ Բեգլարյանը։

Պարզվում է` Պողոսյանն ու Բեգլարյանն այս բիզնեսում փայատերեր են` տարածքը Բեգլարյանից, ռեստորանը` Պողոսյանից։ Այս պատմության մեջ հատկանշական է այն հանգամանքը, որ ԱԺ պատգամավոր Միհրան Պողոսյանը հաճախ պնդում է, որ ինքն այլևս բիզնեսով չի զբաղվում, բայց փաստացի` ի թիվս այլ բիզնես ոլորտների` խորացել է նաև ռեստորանային բիզնեսի մեջ։