Երևանում մեկնարկել է բռնցքամարտի Հայաստանի առաջնությունը: Մրցումային առաջին օրը սկսվել է սկանդալով: Ռինգ է մտել լեգենդար բռնցքամարտիկ, աշխարհի չեմպիոն Իսրայել Հակոբկոխյանը, և հայտնել, որ իր որդուն թույլ չեն տվել մասնակցել Հայաստանի առաջնությանը.
«Իմ տղան նախորդ տարի Հայաստանի առաջնության եզրափակիչում հաղթեց, սակայն նրանից խլեցին հաղթանակն ու զբաղեցրեց երկրորդ տեղը ու տեղ չգտավ հավաքականում: Ես իմ միջոցներով տղայիս մրցումների եմ ուղարկել, որպեսզի նրա մոտ աճ լինի: Դրանից հետո ֆեդերացիան բողոք է ներկայացրել միջազգային կառույցներին, որպեսզի իմանա, թե ինչու են թույլ տվել, որ բռնցքամարտիկը մասնակցի միջազգային մրցաշարի: Միջազգային ֆեդերացիան պատասխանել է, որ դա Հայաստանի ազգային ֆեդերացիայի որոշման խնդիրն է, իսկ նրանք որոշել են իմ տղային թույլ չտալ որ մասնակցի Հայաստանի առաջնությանը: Սա թշնամություն է իմ ու իմ երեխայի նկատմամբ»,- ասաց Հակոբկոխյանը:
Բռնցքամարտի Հայաստանի առաջնությունը կավարտվի փետրվարի 4-ին:
