Կորոնավիրուսով վարակված և հոսպիտալացման իրենց հերթին սպասող քաղաքացիներ վաղուց արդեն չունենք, լրագրողների հետ հանդիպմանն ասաց ՀՀ առողջապահության նախարար Անահիտ Ավանեսյանը։ «Այս պահին հետ ենք պրոֆիլավորում մեր հիվանդանոցները մարզերում և Երևանում։ Հիվանդանոցներն անցնում են իրենց ընթացիկ սպասարկման ոլորտներին», - նշեց Ավանեսյանը: Նախարարն ասաց, թե հնարավորինս արագ պետք է վերապրոֆիլավորվեն հիվանդանոցները, որպեսզի այլ հիվանդությունները ևս ճիշտ ժամանակին սպասարկվեն։