Անշուշտ, ցանկացած բռնություն դատարապտելի է իրավունքի և բայորականության տեսանկյունից, բայց բոլոր դեպքերում մենք որպես օրենսդիր մարմին, մենք պետք է շահագրգռված լինենք, որ մեր բարի ցանկությունները պսակվեն հաջողությամբ, իսկ դրա համար անհրաժեշտ է պահպանել ՀՀ նորմատիվային ակտերի սահմանադրությամբ ամրագրված պահանջները: Այս մասին այսօր՝ ապրիլի 14-իօն, ԱԺ-ում հայտարարեց ԲՀԿ խմբակցության պատգամավոր Գևորգ Պետրոսյանը՝ անդրադառնալով բռնություն գործադրելու հրապարակային կոչերի, բռնությունը հրապարակայնորեն արդարացնելու կամ քարոզելու բերաբերյալ օրենսդրական նախաձեռնությանը:
«Ինչ է նշանակում հրապարակային, բնականաբար կոչը հրապարակային է լինում: Եթե ես իմ սենյակում ինքնամեկուսացվել եւ սկսեմ սրան-նրան հայհոյել, սա կոչ չի: Հիմա հրապարակայինը ո՞րչն է, 2 հոգու ներկայությամբ, 4 հոգու ներկայությամբ:
Հետո ես բացարձակ համաձայն չեմ փոխնախարար Գալյանի պնդմանը, թե արդարացնելը վտանգավորության տեսանկյունից նույնն է, ինչ կոչը հնչեցնելը: Ոչ, բացարձակապես նույնը չի:
Հետո իրավական որոշակիության տեսանկյունից խոցելի է նաեւ արդարացում կոչվածի օբյեկտիվ կողմը: Մենք չենք արդարացնում արդարացնելըմ, բայց հրապարակային արդարացնելը ինչ օբյեկտիվ գործողություններով պետք է դրսեւորվի: Եթե մեկը գրել է՝ այսինչին պետք է ապտակել, ես էլ լայքում եմ ֆեյսբուքում, դա բավարար է, որ ինձ տանեն քրեական պատասխանատվության ենթարկե՞ն»,-ասաց Գեւորգ Պետրոսյանը:
Նա հավելեց. «Մենք մեր օրենսդրությունը շարադրելիս, այո, հիմք ընդունելով մարդու իրավունքների վերաբերյալ հանրաճանաչ իրական ակտեր դրույթները, եվրոպական իրավական մտքի բարձունքները, բայց չպետք է մոռանանք, որ մենք հայ ենք, ունենք ազգային հոգեկերտվածք:
Հիմա ես մի շատ անցանկալի օրինակ կբերեմ. Հավանաբար բոլորդ էլ տեսել եք մի քանի օր առաջ ֆեյսբուքում զինվորի համազգեստը պղծող այդ երկոտանու թռվռալը: Ես չգիտեմ՝ ինքը հայ է, թե ինչ ազգ է, դա բացարձակ նշանակություն չունի: Զինվորի համազգեստը պղծողի ականջը պետք է ոլորել կամ դրան պետք է պատժել: Ինձ սրա համար պետք է տանեն պատասխանատվության ենթարկե՞ն: Այսինքն մեր օրենսդրությունը մշակելիս չպետք է մոռանանք որ ունեն ավանդական արժեքներ, պատմություն»:
00:00:00
