ՀՀ 8 քաղաքացիներ Սուդանից վերադարձան Հայաստան: Այս մասին տեղեկացնում են Վրաստանում ՀՀ դեսպանությունից։
«Վրացական իշխանությունների հետ ունեցած բանակցությունների արդյունքում ապրիլի 13-ին հնարավոր է դարձել Սուդանի Խարթում քաղաքից Թբիլիսի տեղափոխել ՀՀ 8 քաղաքացիների։
Այնուհետև դեսպանության ստացած հատուկ թույլտվության շնորհիվ Հայաստանից Թբիլիսի ժամանած միկրոավտոբուսով ՀՀ քաղաքացիներին, խիստ կարանատինային գոտի համարվող Մառնեուլիի շրջանում տրված միջանցքով, պարեկային ոստիկանության ուղեկցությամբ, տեղափոխել Հայաստան։
Վրաստանում ՀՀ դեսպանությունը համակարգել է ՀՀ քաղաքացիների Թբիլիսի ժամանման, նրանց դիմավորման և այնուհետև օդանավակայանից մինչև Բագրատաշենի անցակետ տեղափոխման աշխատանքները»,- ասված է դեսպանության տարածած հաղորդագրության մեջ։
