Երեկ համացանցում լայն տարածում էր գտել մի տեսանյութ, որտեղ զինվորական հագուստով ու բարձրակրունկ կոշիկներով երիտասարդը պարում էր: Տեսանյութը հրապարակվել էր TikTok-ում: Այն արագորեն տարածվեց ֆեյսբուք սոցիալական ցանցում ու քննարկուների և քննադատությունների առիթ դարձավ, գրում է Armdaily.am-ը։
Տեսանյութում պարող անձնավորությունը ֆեյսբուքում գրանցված է Նորա Պետրոսյան անունով: Նա իր էջի նկարագրության բաժնում նշել է, որ դիմահարդար է: Էջն ուսումնասիրելիս կարելի է ենթադրել որ, Նորա Պետրոսյանը համագործակցում է «Իրավունքի կողմ» ՀԿ-ի հետ: Նա ՀԿ-ում կազմակերպված անվճար դիմահարդարման դասընթացի մասին իր ֆեյսբուքյան էջում հայտարարություն է տարածել: Բացի այդ ՀԿ-ի պաշտոնական էջն ուսումնասիրելիս Նորա Պետրոսյանի մասնակցությամբ լուսանկար գտանք, որտեղ մի քանի անձանց հետ էր, այդ թվում կազմակերպության նախագահ Լիլիթ Մարտիրոսյանի (Լիլիթն առավելապես հայտնի դարձավ ԱԺ-ում ունեցած աղմկահարույց ելույթից հետո):
Նշենք, որ «Իրավունքի կողմ» ՀԿ-ի գլխավոր նպատակն է Հայաստանում ԼԳԲՏ, մասնավորապես՝ տրանսգենդեր անձանց իրավունքների պաշտպանությունը:
Նորան ավելի վաղ լրատվամիջոցներին հայտնել է, որ ժամկետային զինծառայություն չի անցնելու: Զինկոմիսարիատում սեռական կողմնորոշման մասին իմանալուց հետո նրան ուղարկել են հոգեբուժարան:
Նախկին ՄԻՊ Ռուբեն Մելիքյանն անդրադառնալով տեսանյութին՝ ֆեսբուքյան իր էջում գրել էր. «Այս գաղափարը վաղուց էր ինձ մոտ առաջացել՝ դեռ Արցախում աշխատանքիս տարիներին։ Այսօր եմ հրապարակավ ներկայացնում, քանի որ հարցը հասկանալիորեն արդիականություն է ձեռք բերել՝ հայտնի տեսանյութի հրապարակումից հետո։
Առաջարկում եմ Վարչական իրավախախտումների վերաբերյալ օրենսգրքով ամրագրել ՀՀ Զինված ուժերի կամ Արցախի Պաշտպանության բանակի համազգեստը զինծառայող չհանդիսացող ու երբևէ չհանդիսացած անձի կողմից կրելու արգելք՝ համապատասխան վարչական տույժով։ Քննարկելի է նաև քրեական օրենսգրքով՝ որպես ոչ մեծ ծանրության հանցանք ամրագրելու տարբերակը։
Արցախում աշխատելիս բազմիցս եմ այցելել զորամասեր ու դիրքեր՝ պայմանավորված աշխատանքային գործառույթներով։ Բայց այդ ընթացքում ու առհասարակ ինձ իրավունք չեմ վերապահել Զինվորական համազգեստ կրել, թեև անվտանգության նկատառումներով՝ դա ոչ միայն ցանկալի էր, այլև որոշ դիրքերում երևի անհրաժեշտ։ Կանաչ գույնի շալվար ու բաճկոն էի ձեռք բերել՝ դրանով էի դիրքեր բարձրանում։ Հիմա էլ սրբորեն պահում եմ այդ շորերս՝ որպես ԻՄ իրավունքի «համազգեստ»։
ՈւՐԻՇԻ իրավունքի համազգեստ կրելը պետք է ոչ միայն հակաբարոյական, այլև հակաիրավական համարվի։
Տեսանյութից կադրում՝ ՊԲ բավական «բարդ» դիրքերից մեկում Ապրիլյան պատերազմի վարաբերյալ փաստահավաքություն իրականացնելիս։ Դեռ կանաչ հագուստս ձեռք չէի բերել»:
Armdaily.am
