Երեկ Արցախի Հանրապետության քաղաքացի Գարրի Համբարձումյանը ֆեյսբուքյան իր էջում տեսաուղերձի միջոցով կոչ էր ուղղել ՀՀ վարչապետ Նիկոլ Փաշինյանին։ Irakanum.am-ը երիտասարդից հետաքրքրվեց, թե որն է կոչի պատճառը եւ ի՞նչ իրավիճակ է ներկայումս Արցախում։ Գարրի, երեկ տեսաուղերձի միջոցով կոչ էիք հղել ՀՀ վարչապետին. Նախ ինչը դարձավ պատճառ նման կոչ հղելու։ Այո, պատճառ դարձավ այն, որ Արցախի իշխանությունները չեն լսում մեր քաղաքացիների բազմաթիվ կոչերը ընտրությունները հետաձգելու կապակցությամբ, ում, եթե ոչ Նիկոլ Փաշինյանին դիմել այս պարագայում: Այդ ընտրությունների մեջ ես որպես քաղաքացի` տեսնում եմ առնվազն 2 անձի պատասխանատվություն և շահագրգռվածություն։ 1.Ներկա իշխանության ներկայացուցիչ - Բակո Սահակյան 2.Հաջորդ իշխանության հավանական ներկայացուցիչ - Արայիկ Հարությունյան: Մեկը փոխանցում է, մյուսը ստանում է: Ես չեմ ուզում զուգահեռներ անցկացնել, բայց մենք արդեն ծանոթ ենք այսպիսի մի պատմության հետ, երբ վատին փոխարինեց վատագույնը քաղաքական ճգնաժամային այսպիսի պայմաններում: Եվ դա 2008 թվականի մարտի 1-ն էր: Այն ժամանակ էլ մեկը փոխանցում էր, մյուսը՝ ստանում: Բակո Սահակյանի լռությունն ինչո՞վ եք պայմանավորում։ Դեռ ընտրություններից օրեր առաջ կարծիքներ էին հնչում, որ պայմանավորված կորոնավիրուսի վարակով Արցախում ընտրությունները պետք է հետաձգվեն։ Լռության առաջին պատճառը իհարկե դա կաննաբինոիդ-ի մեծ ազդեցությունն է, երկրորդը, ինձ թվում է Բակո Սահակյանը չի կողմնորոշվում ինչը և որն է ճիշտ այս պարագայում: Այո, մենք բազմաթիվ կոչեր ենք արել, մարտի 26-ին Ռուսլան Իսրայելյանի նախաձեռնությամբ Նախագահի 6 թեկնածուներ, այդ թվում Մասիս Մայիլյանը, միասին կոչով հանդես են եկել ընտրությունները հետաձգելու կապակցությամբ, այդ ժամանակ և իշխանությունը, և իշխանության թեկնածու Արայիկ Հարությունյանը ասում էին, եթե չկա գրանցված դեպք իրավական հիմք չկա Արտակարգ դրություն հայտարարելու: Հիմա լռել են: Հաշվի առնելով այն հանգամանքը,որ Արցախում ևս կորոնավիրուսի դեպքեր կան, հավանական համարում ե՞ք, որ ընտրությունների երկրորդ փուլը չեղարկվի և արտակարգ դրություն հաստատվի: Ես հիմա ընտրությունների մասին այդքան չեմ մտածում ինչքան մեր առողջության: Եթե ընտրությունները լինեն, ընտրություններին նաև մասնակցում են զինծառայողները և աստված չանի... էլ չշարունակեմ։ Արցախում բողոքի ակցիաներ եղան, արդյո՞ք դրանք զանգվածային և շարունակական բնույթ կկրեն: Տեսեք ինչպիսի հետաքրքիր բան տեղի ունեցավ, Արթուր Օսիպյանն, ով ինձ համար ավելի շատ հայտնի է, որպես խելացի և խիզախ տղամարդ, քան մարտի 31-ին Ազգային Ժողովի պատգամավորի թեկնածու, ապրիլի 11-ին դուրս եկավ փողոց և կորոնավիրուսի վտանգը ինքն իր վրա վերցնելով կոչ արեց իշխանություններին հետաձգել ընտրությունները, սա շատ ուժեղ քայլ է, և կեցցեն բոլորը ով այնտեղ ներկա էր: Ակնկալում եք, որ արձագանք կլինի ՀՀ վարչապետից։ Արձագանք որպես այդպիսին ինձ, մեզ, պետք չէ: Պետք է հարցի լուծում, իսկ դա արտակարգ դրությունն է: https://www.facebook.com/100006503986259/videos/2902933926600045/?id=100006503986259