Չինաստանում Շիցզյաչժուան քաղաքի Հեբեյի երկրաբանական գիտությունների համալսարանի երկրաբանները հայտնաբերել են մաար-հրաբուխներ։ Դրանք գտնվում են Չինաստանի հյուսիսում, Ներքին Մոնղոլիայի շրջանի տարածքում։ Դրանք բավական հազվադեպ երեւույթ են, գրում է Planet Today-ը։ Նախագիծը ղեկավարում է պրոֆեսոր Դին Ի-ն։ Նա իր աշխատանքի արդյունքները հրապարակել է Geological Review պարբերականում։ Նրա խոսքով՝ նրան եւ թիմին հաջողվել է գտնել հազվադեպ հանդիպող մաար-հրաբուխների խումբ՝ 116 հրաբխից կազմված։ Դրանք 100-400 մետր տրամագիծ ունեն։ Պետք է ընդգծել, որ մաար-հրաբուխների հայտնաբերված խումբը չափերով ամենամեծն է նրանց համեմատ, որոնք արդեն հետազոտվել են ողջ երկրագնդում։ Երկրաբանների հաշվարկներով՝ հայտնաբերված մաար-հրաբուխները առաջ են եկել այն ժամանակ, երբ տեղի է ունեցել անասելի հզորության ոչ երկարատեւ գազապայթում։ Այդ իրադարձությունը, գիտնականների կարծիքով, տեղի է ունեցել 33 մլրդ-ից 9,4 մլրդ տարի առաջ։ Մաարը բավական հարթ հատակ ունեցող խառնարան է՝ առանց կոնի ծայրի, բայց շրջապատված ժայթքումից առաջացած նյութերի ոչ բարձր շրջանակով, դրանք լեռնաքարեր են, որոնք կազմում են խառնարանի պատերը, հաճախ լցված են ջրով եւ լճեր են ներկայացնում։