Այսօր՝ հունվարի 11-ին տեղի կունենա Պոլսի Հայոց պատրիարք Սահակ Երկրորդի գահակալության արարողությունը: Այս մասին տեղեկացնում է Regionmonitor.com-ը։ Արարողությանը կմասնակցեն Հայ առաքելական եկեղեցու մյուս նվիրապետական աթոռների՝ Ամենայն Հայոց կաթողիկոսության, Մեծի Տանն Կիլիկիո կաթողիկոսության և Երուսաղեմի հայոց պատրիարքության ներկայացուցիչները: Սպասվում է, որ արարողությանը ներկա կլինեն նաև կաթոլիկ եկեղեցու ներկայացուցիչը, ուղղափառ եկեղեցու տիեզերական պատրիարք Բարդուղիմեոս Առաջինը, ինչպես նաև այլ հարանվանությունների ներկայացուցիչները: Գահակալության արարողությունը տեղի կունենա Պոլսի հայոց պատրիարքության աթոռանիստ Սուրբ Մարիամ Աստվածածին եկեղեցում: Ենթադրվում է, որ գահակալությունից հետո Սահակ Երկրորդ պատրիարքին Ամենայն Հայոց Կաթողիկոս Գարեգին Երկրորդի կողմից կտրվի արքության պատիվ: