Ազատության հրապարակում մեկնարկել է «Հանուն Հայաստան պետության» ճակատի հանրահավաքը: Մասնակիցներից Արմեն Հովհաննիսյանը նշեց, որ պետք է կարողանալ բռունցքվել ու գնալ առաջ, և ինչքան էլ ասեն, որ նրանք պարտված ենք, պետք է հասկանալ, որ համախմբված ժողովրդի դեմ խաղ չկա:
Ապա ելույթի իրավունքը տրվեց «Ժառանգություն» կուսակցության անդամ Սուսաննա Մուրադյանին, ով էլ ներկայացրեց Սերժ Սարգսյանի վերջին հարցազրույցի վերաբերյալ ճակատի հայտարարության տեքստը: «Այն, որ Սերժ Սարգսյանը սոսնձվել է այդ աթոռին, որն իրեն չի պատկանում, դա գիտեինք, եթե սուտասանության օլիմպիադա լինի, ինքը չեմպիոն է լինելու, դա էլ գիտեինք, բայց որ հարցազրույցում բառերի կույտ, աճպարարություն պիտի աներ՝ նորից մեզ խաբելու, հիմարի տեղ դնելու, չէինք էլ ենթադրում»,-ասաց Մուրադյանը:
Ըստ հայտարարության՝ Սերժ Սարգսյանը վերարտադրությունը հանգեցնելու է Հայաստանի և Ադրբեջանի նույնականացմանը, հուսալքության ու արտագաղթի նոր ալիք կառաջացնի, ինչը պարարատ հող կստեղծի բռնի մեթոդներով առկա իշխանությունների խորացման ու տարածման համար:
Նա դիմեց ՀՀԿ ու ՀՅԴ անդամներին կոչով՝ սթափվել ու չաջակցել պետականաքանդ ծրագրերին:
00:00:00
