«Առավոտյան ծանոթացել եմ հրապարակման հետ, արդեն իմ ֆեյսբուքյան էջում համապատասխան հայտարարությունն արել եմ, հիմա էլ եմ անում, որ ամբողջությամբ սուտ, հորինված եւ վառ երևեւակայություն ունեցող հրապարակում է»։ Այս մասին, Irakanum.am-ի հետ զրույցում ասաց Արմավիրի նախկին մարզպետ Գագիկ Միրջանյանն անդրադառնալով մամուլի հրապարակմանը, համաձայն, որի Միրիջանյանն իր  պաշտոնավարման ընդամենը 4 ամսվա ընթացքում հասցրել է օգտվել  պաշտոնից եւ սեփականություն հետ գցել: Ըստ «Ժամանակ» օրաթերթի Միրիջանյանն իրենով է արելԷջմիածնի ծննդատան առաջին հարկի մի զգալի հատվածը եւ այնտեղ մասնավոր կլինիկա բացել: Հարցին, թե Ձեր պաշտոնավարման ընթացքում անօրինակություններ թույլ չե՞ք տվել, Միրիջանյանը պատասխանեց․ «Այո, ոչ մի անօրինական բան չեմ արել, փաստում եմ»։ Նախկին մարզպետն ասաց, որ դիմել է հրապարակումն արած լրատվամիջոցին, որպեսզի հերքի այն, չանելու դեպքում՝ կդիմի համապատասխան մարմիններին իր պատիվն ու արժանապատվությունը պաշտպանելու համար։ Irakanum.am