Վերջին տարիների ընթացքում սելֆիի զոհ է դարձել 250 հոգի։ Գիտնականներն ահազանգում են՝ այս թիվը գնալով աճելու է։ Մարդիկ մահանում են՝ հետաքրքիր լուսանկար անելու մոլուցքով տարված ու մոռանալով անվտանգության կանոնների մասին։ Բացի այդ, հոգեբանները պնդում են, որ սելֆին վնասակար է առողջության համար։ Մասնագետները նշում են, որ բացի այն, որ սելֆի անել սիրողները հոգեկան որոշակի շեղումներ ունեն, այն նաեւ ֆիզիակական խնդիրների է հանգեցնում։ Հաճախ սելֆի անելը հանգեցնում է հոդերի ցավի, դաստակի հետ կապված խնդիրները։ Դրա հետեւանքով կարող են վնասվել նաեւ ձեռքի նյարդերը, ինչն էլ իր հերթին կարող է հանգեցնել ուժեղ ցավերի եւ անգամ ամբողջ ձեռքի թմրումի։ Աղբյուր՝ Բուժ ինֆո