Բրիտանական Cable ծառայությունը, որը գնահատում է ինտերնետ կապի որակը, հրապարակել է ամենաարագ ինտերնետ կապով երկրների ցանկը: Այս մասին հայտնում է Euromag-ը:
Ամենաարագ ինտերնետ կապով երկրների վարկանիշը գլխավորել է Սինգապուրը, իսկ երկրորդ և երրորդ տեղերը զբաղեցրել են Շվեդիան ու Դանիան:
Ցանկի չորրորդ տեղում հայտնվել է Նորվեգիան, որին հետևել են Ռումինիան, Բելգիան, Նիդեռլանդները, Լյուքսեմբուրգն ու Հունգարիան:
Աղբյուրը մանրամասնում է, որ մասնագետները հավաքել են տվյալները 12 ամիս՝ 200 երկրում և տարածաշրջանում: Նրանք հաշվել են՝ ինչքան ժամանակ է պահանջվում 5 գիգաբայթանոց ֆիլմ ներբեռնելու համար՝ երկրում կապի միջին արագության պայմաններում:
Վարկանիշը կազմողները նաև նշել են, որ մի տարում ինտերնետ կապի միջին արագությունը բարձրացել է 23 տոկոսով, ինչը, նրանց կարծիքով, լավ արդյունք է:
00:00:00
