Գերմանական Porsche մեքենաշինական ընկերությունը հրապարակել է թարմացված Macan քրոսովերի փորձարկման տեսանյութն ու լուսանկարները: Տեսանյութում ցուցադրվում են նախատիպերի փորձարկումները Հարավային Աֆրիկայում՝ ճանապարհների բացակայության, ասֆալտի և մանրախճային ճանապարհների պայմաններում, ինչպես նաև՝ ծովի մակարդակից 3.400 մետր բարձրության վրա Լեսոտոյում: Motor.ru-ի հաղորդմամբ՝ նորույթի մասին տեղեկությունները քիչ են: Սպասվում է, որ թարմացված Macan-ի շարժիչներն ավելի հզոր կդառնան՝ 252-ից մինչև գրեթե 300 ձիաուժ: Նշվում է, որ մոդելը կներկայացվի հուլիսի վերջին և վաճառքի կհանվի առաջինը Չինաստանում: