«Յուրաքանչյուր պաշտոնյա, անկախ իր կարգավիճակից, կարծում եմ, ունի իր կարմիր գծերը»,- ԱԺ-ում լրագրողների հետ զրույցում ասաց «Պատիվ ունեմ» խմբակցության պատգամավոր Տիգրան Աբրահամյանը՝ խոսելով Նիկոլ Փաշինյանի որոշմամբ ԱԱԾ պետի պաշտոնից Արմեն Աբազյանի ազատման մասին։
Նա նշեց, որ տեղյակ չէ, թե պաշտոնանկությունը ինչով է պայմանավորված, միգուցե պայմանավորված է նրանով, որ ինքն էլ իր կյանքում ունի որոշակի կարմիր գծեր, որոնք արդեն իսկ հատվել են։
«Չեմ կարծում, որ մեկ թեմայի հետևանք է։ Կարծում եմ՝ սա որոշակի կուտակված խնդիրների հետևանք է, որն արտացոլվել է կոնկրետ երեկվա իրադարձություններում»,- ասաց Աբրահամյանը։
Նա նշեց, որ եկեղեցու, հոգևորականների նկատմամբ սկսած հարձակումները իշխանության համար հեշտ մարսվող թեմա չի կարող լինել, քանի որ եկեղեցին ունի բարձր վարկանիշ ոչ միայն Հայաստանում, Հայաստանից դուրս։
«Անհանգստանցողն է հատկապես այն պարագայում, որ եկեղեցու սատարման մասին խոսում են մեծ հեղիկնություն ունեցող անձինք, այդ թվում Սամվել Կարապետյանը։ Ստեղծված իրավիճակում իշխանությունը պետք է ռեակցիա տար, ինչը տեսանք երեկ»,- ասաց Տ.Աբրահամյանը։
