Քաղաքագետ Սուրեն Սուրենյանցը գրում է․
«Հայաստանը Եվրամիության անդամակցության մասին օրենքն ընդունել է, բայց դրանից հետո որևէ զարգացում դեռ չկա, ասել է արտաքին գործերի նախարարի տեղակալ Մնացական Սաֆարյանը՝ պատասխանելով հարցին, թե օրենքն ընդունելուց հետո անդամակցության ուղղությամբ գործնական ինչ քայլեր են արվում:
Այլ խոսքով, Հայաստանը պաշտոնապես չի դիմել ԵՄ-ին՝ անդամակցության հարցով: Եթե անկեղծ, ապա Հայաստանում օրենքի ընդունման փաստին անտարբերությամբ արձագանքեցին նաև Բրյուսելից:
Ի սկզբանե ակնհայտ էր, որ ԵՄ-ին Հայաստանի անդամակցության օրակարգ գոյություն չունի, դա ավելի ակնհայտ դարձավ Վրաստանի խորհրդարանական ընտրություններից և Սպիտակ տուն Դոնալդ Թրամփի վերադարձից հետո:
Բայց Փաշինյանն իներցիայով շարունակում է երկրի ստրատեգիական կողմնորոշումը փոխելու արկածախնդիր քաղաքականությունը:
Դա Հայաստանը չի մոտեցնում ԵՄ-ին, բայց երկու այլ փաստեր արձանագրվում են՝ տոկսիկ բաղադրիչը մեծանում է հայ-ռուսական հարաբերություններում և Նիկոլ Փաշինյանի կաբինետն ապօրինություն է թույլ տալիս՝ չկատարելով ԱԺ կողմից ընդունված օրենքը:
Բայց հանուն արդարության՝ ԵՄ-ին ինտեգրման մասին դրա նախաձեռնողները, օրենքն ընդունելուց հետո, մեկ անգամ հիշել են: Պարզվել է, որ հանուն այդ «սրբազան գործի» Մասիվի թաղապետը խոշտանգել է ընդդիմադիր ակտիվիստի»
