Արքայազն Հարրին և Մեգան Մարքլը հետաձգել են հարսանեկան ճամփորդությունը, ինչը կապված Է թագավորական առաջին միջոցառումներին ամուսնական զույգի մասնակցելու անհրաժեշտության հետ։ Մայիսի 22-ին նրանք՝ որպես Սասեքսի դուքս և դքսուհի կմասնակցեն իրենց առաջին պաշտոնական միջոցառմանը Բուքինգհեմյան պալատի մարգագետնում՝ նվիրված արքայազն Չառլզի բարեգործական գործունեությանը բրիտանական գահաժառանգի առաջիկա 70-ամյակի կապակցությամբ, որը կնշվի նոյեմբերի 14-ին: Սպասվում Է նաև, որ դրանից անմիջապես հետո նրանք կկատարեն իրենց առաջին արտասահմանյան ուղևորությունը՝ Իռլանդիա մեկնելով և միայն դրանից հետո կանցկացնեն մեղրամիսը: