Իտալիայում փեսացուն հարսանեկան արարողության ժամանակ խոսել է հարսի դավաճանության մասին, գրում է Independent-ը։ Ոչ ինքը՝ կինը, ոչ էլ հրավիրված հյուրերը պատրաստ չէին նման բացահայտմանը։
64-ամյա Մասիմո Սերգեն, կարդալով իր հարսանեկան երդումը, զարմացրել է հավաքված հյուրերին։ Սիրո խոստովանության փոխարեն նա բոլորին ասել է, որ իր ընտրյալը՝ Քրիստինան, իրեն ուրիշի հետ է դավաճանում։
«Ես ուզում եմ Քրիստինային սիրելու ազատություն տալ: Սիրել մեկ այլ մարդու՝ հայտնի իրավաբանի, ում մասին նա ակնհայտորեն ավելի շատ է մտածում, քան իմ։ Հարգելի Քրիստինա, ես գիտեմ, թե որքան եք սիրում նրան հոգեպես և ֆիզիկապես»,- ասել է Մասիմոն։
Մինչ հարսնացուն զարմացած նայում էր հարսանիքի հյուրերին, Սերգեն ներկաներին ցույց է տվել մի շարք կադրեր, որոնցում Քրիստինան պատկերված է մեկ այլ տղամարդու հետ։
«Սա սովորական պատմություն է դավաճանության մասին։ Ես հիասթափված եմ, սիրտս կոտրված է»,- հավելել է իտալացին:
Կինը մեկնաբանել է իրավիճակը և ասել, որ սկզբում կարծել է, թե Մասիմոն կատակում է։
«Եվ հետո քարացա։ Դա զզվելի բռնության ակտ էր»,- հիշել է նա:
Քրիստինայի փաստաբանը կարծում է, որ իր պաշտպանյալը կարող է դատի տալ և պահանջել փոխհատուցում իր հեղինակությանը վնաս հասցնելու համար։
«Նա սոցիալական ցանցերում ենթարկվել է շատ լուրջ հարձակումների և ստացել սպառնալիքներ Իտալիայի քաղաքացիների կողմից»,- մեկնաբանել է փաստաբանը։
