Էկոնոմիկայի նախարար Վահան Քերոբյանը ֆեսյբուքյան իր էջում կիսվել է տպավորություններով՝ «Թումո»-ին հարակից Հովհաննես Թումանյանի անվան այգում մաքրության աշխատանքներից։

«Այսօր մասնակցել եմ Green Green կազմակերպության կողմից Հայաստանում առաջին անգամ անցկացված Clean & Green Fest էկոփառատոնին, որի ընթացքում մաքրման աշխատանքներ ենք իրականացրել Թումոյի այգու տարածքում։

Ուրախությամբ պետք է նշեմ, որ նախորդ տարի այս գեղեցիկ նախաձեռնության շրջանակներում մեր կատարած աշխատանքները լայն արձագանք են ստացել։ Հուսով եմ՝ աստիճանաբար այս նախաձեռնությունը համակարգված բնույթ կստանա և մենք վերջապես կձերբազատվենք աղբի կուտակումներից»,- գրել է Քերոբյանը։