Երևանում Ադրբեջանի դրոշը այրելով Հայաստանի միջազգային վարկանիշը ոչ միայն չի տուժել, այլ բարձրացել է, քանի որ Հայը ցույց է տվել աշխարհին, որ մենք ունենք ազգային ԱՐԺԱՆԱՊԱՏՎՈՒԹՅՈւՆ և պատրաստ չենք մեր մայրաքաղաքում ընդունել 3 տարի առաջ մեր վրա հարձակված, միջազգային մարդասիրական բոլոր նորմերը խախտած և միջազգային ահաբեկչության բուն դարձած պետության դրոշը: Այս մասին ֆեյսբուքում գրել է Արթուր Ղազինյանը.
«Տուժել է միայն իշխանության վարկանիշը, այն էլ որպես «խաղաղության կեղծ օրակարգի» տեղական օպերատոր: Ադրբեջանի դրոշը Երևանում այրելն ու դրա հանրային լայն աջակցությունը «խաղաղության դարաշրջանի» իրական շահառուներին ցույց տվեց, որ Հայ հասարակությունը չի ընդունում 44-օրյա դավադիր պատերազմի և դրան հաջորդած մի քանի ագրեսիաների արդյունքները, չի հաշտվել պարտության ու ստորացման հետ և պատրաստ է պայքարել իր հայրենիքի համար:
Հ.Գ. Հայաստանի միջազգային վարկանիշին ամենամեծ հարվածը, իմ ընկալմամբ, հասցվել է 2021թ հունիսի ընտրությումների արդյունքներով, երբ մարդկության պատմության մեջ առաջին երկիրը դարձանք, որն իրեն իշխանություն կարգեց պատերազմը պարտված, դավաճանության մեջ մեղադրվող քաղաքական խմբակին»:
