Երբ ճամփորդում ես Հայաստանի պատմական վայրերով, զարմանում ես, տեսնելով պատմական հուշարձանների պատերն ապականված, տարբեր քեֆչի-տգետների անուննեով, գրառումներով․ «Գ+ Լ=ՍԵՐ» և այլ գռեհկաբանություններ։ Այս մասին ֆեյսբուքյան իր էջում գրել է իրավապաշտպան Ավետիք Իշխանյանը։
«Փաստորեն, այդ տգետ, անհայրենիք քեֆչիները Հայաստանում եկել են իշխանության և ապականում են արդեն Երևանի ճարտարապետական կոթողները, անցքեր բացելով, սեպեր խփելով թամանյանական շենքերին։ Հետո էլ բողոքում ենք, որ Ադրբեջանը ոչնչացնում է հայկական հուշարձանները։
Ինչո՞վ են տարբերվում այսօրվա քանդարար-դավաճաններն իրենց ադրբեջանցի և թուրք եղբայրներից»,- գրել է Իշխանյանը։
