Ուռաա՜, շուտով միջազգային հանրությունը կսաստի Ադրբեջանին և Թուրքիային։Այս մասին ֆեյսբուքում գրել է իրավապաշտպան Ավետիք Իշխանյանը․
«ՄՏԱՀՈԳՈՒԹՅՈՒՆՆԵՐ, ՇԱՐՈՒՆԱԿԵՔ ՀԱՎԱՏԱԼ․․․
Արցախի պետնախարար Արտակ Բեգլարյանը տարակուսած է միջազգային հանրության լռությունից։ Հայաստանյան գործիչներն ու լրատվամիջոցները ոգևորությամբ տարածում են ԱՄՆ կոնգրեսականների, ԵՄ, ՌԴ չինովնիկների, ամենակարևորը Ֆրանսիայի նախագահ Մակրոնի խորը մտահոգությունները․․․ Ոռաա՜, շուտով միջազգային հանրությունը կսաստի Ադրբեջանին և Թուրքիային։
Անցել է շուրջ 150 տարի և հայ ժողովուրդը շարունակում է հույսը դնել աշխարհի հզորների վրա։ Լավ, որքա՞ն կարելի է խաբված մնալ։ Թե՞ այդպես հարմար է, զվարճանալ, քեֆեր, հրավառություններ անել, հետո հայհոյել բոլորին, որ խաբեցին, ծախեցին։ Այդպես էլ խելքի չեկանք, դասեր չքաղեցինք մեր դաժան պատմությունից»։