Երբ քաղաքապետարանը խոչնդոտում է զինվորների բուժման ընթացքին
Հարգելի պարոն քաղաքապետ, չէի ցանկանա նման կերպ, բայց Ձեր 《 Արտաքին ձևավորման և գովազդի վարչություն》-ը ի դեմս ժպ.Հովհաննես Պետրոսյանի հասցրեց այս կետին։
Դեռևս մեկ ամիս առաջ դիմել ենք և քաղաքապենի պահանջով բազում փոփոխությունների ենք ենթարկել զինվորների անվճար բուժման համար նախատեսվելիք`զոհվածների ծնողների, մեր Հերոս տղերքի իրազեկվածության բարձրացման նպատակով, սոցիալակ գովազդ ճանաչելու համար նախատեսված էսքիզները և արդեն մեկ ամիս է Ձեր վարչության պետի ժպ.-ն փորձում է արհեստական ու անհիմն ձգձգել այս գործընթացը և վարկաբեկել ոչ միայն Ձեր կառույցի անունը, այլև այս կերպ ուղիղ խոչնդոտ հանդիսանալ որպեսզի մեկ մարդ ավելի չկարողանա օր առաջ անվճար բուժում ստանա և ոտքի կանգնի։ Զինվորների բուժմանը խոչնդոտող այս անհեթեթ վարչարարությունը ապացույցն է այն բանի, որ Երևանի քաղաքապետարանը փոխարենը օգնի, զբաղված է ավելորդ վարչարարությամբ։
Լիահույս եմ, որ դուք այս ամենի մասով իրազեկված չեք, ուստի Ձեզ իրազեկելու միակ տարբերակը մնացել է բաց և հրապայակային բողոքս արտահայտելը ։
Հգ. Ի հակադրումն վերոնշյալ վարչության 《Կանաչապատում և շրջակա միջավայրի պահպանություն 》ՀՈԱԿ-ը բարձր մակարդակով և նաև վերապահումով անգամ տրամադրեց հող և դեռ շարունակում ենք այս մասով համագործակցությունը։
Հարգանքով՝ Հերոսների Վերականգնողական Քաղաք/Rehabilitation City of Heroes ի նախագահ Սուրեն Հակոբյան (Արեենց )
