«Հաղթանակի գողը» վերտառությամբ ֆեյսբուկյան գրառում է կատարել ՍԴ աշխատակազմի նախկին ղեկավար, դեսպան Էդգար Ղազարյանը, որտեղ մասնավորապես ասում է. «Հաղթանակի օրը բոլորս հիշում ենք մեր պապերին, բոլոր նրանց, ում հերոսությունների և անձնազոհության արդյունքում մեր ժողովուրդը տոնել է հաղթանակ և ապրել հաղթողի, հերոսի ժառանգի պատվաբեր զգացողություններով։
Այդ նույն ժամանակ մի ստոր դավաճան պետք է հիշի իր դավաճան պապուն, ում անունը կրելով, նա մեր հաղթանակները վերածեց պարտության, մեզնից գողացավ մեր պապերի սխրանքը, մեր հաղթական ոգին, հաղթանակի օրը տոնելու մեր բերկրանքն ու ուրախությունը։
Այսքանով դեռ չբավարարվելով` նա փորձում է ամենաստոր և ապօրինի միջոցներով զավթած պահել մեր ժողովրդից խլած իշխանությունը և այն շարունակաբար ծառայեցնել հայ ժողովրդի թշնամիների շահերին։
Մեր նոր հաղթանակների հաղթարշավը պետք է սկսվի հաղթանակի գողին մեր հանրային կյանքից դուրս շպրտելով, իրեն արժանի պատժին արժանացնելով»,- գրում է Էդգար Ղազարյանը։
