ՀՀ նախկին արտգործնախարար Զոհրաբ Մնացականյանը Թվիթերում նշել է Թուրքիայի արտաքին գործերի նախարար Մևլութ Չավուշօղլուին և պատասխանել նրա ժեստին, որն արել է Ուրուգվայում՝ ի պատասխան հայ ցուցարարների՝ Ցեղասպանության ճանաչման պահանջի։ Չավուշօղլուն «գորշ գայլերի» ժեստն էր ցույց տվել հայ համայնքի ներկայացուցիչներին, թուրքերը նրան ծափահարել էին։
Մնացականյանը գրել է․«Մևլութ Չավուշօղլուի «գորշ գայլերի» ողջույնը զզվելի է, արատավոր և ռասիստական. Հիտլերը ողջունում է իր գերեզմանից…»։
