Այս օրը լավագույն առիթն է գնահատելու և վերաարժևորելու ոստիկանի ամենօրյա, ամենժամյա դժվարին, բայց նվիրական ու շնորհակալ աշխատանքը։ Ձեր մասնագիտական պրոֆեսիոնալիզմով է պայմանավորված մեր հասարակության, քաղաքացու անվտանգությունը։

Ոստիկանի ուսերին պատասխանատու առաքելություն է դրված, ոստիկանության ամբողջ համակարգով է քաղաքացին պատկերացում կազմում պետության իրավապահ համակարգի կայունության, անաչառության, պատրաստվածության մակարդակի մասին։

ՀՀ ոստիկանական ծառայողներից շատերն անմահացան հայրենիքի պաշտպանության ժամանակ, բայց նրանց հիշատակն ու անաչառ, ուժեղ ոստիկանի կերպարը մշտապես պետք է ուղեցույց լինի մեր սերունդներին։

Մաղթում եմ ձեզ խաղաղ, անփորձանք ծառայություն, ձեր ընտանիքներին՝ առողջություն և բարեկեցություն։