ԱԺ «Պատիվ ունեմ» խմբակցության պատգամավոր Տիգրան Աբրահամյանը ֆեյսբուքյան իր էջում գրել է․ «Ուկրաինայում ծավալված գործողություններից առաջ, Ռուսաստան-Չինաստան խորը համագործակցության և 5-ամյա ճանապարհային քարտեզի մշակումն ու հաստատումը պատահական չէր։
Վերջին օրերին Արևմուտքից հնչող հայտարարությունները, որոնց ուղերձը Չինաստանին՝ ՌԴ-ի համար պատժամիջոցների շրջանցումից և որոշակի իմաստով՝ չեզոքացումից զերծ պահելն է, որևէ արդյունք չի ունենա։
Նախ որևէ մեկը չի կարող Չինաստանի հետ շանտաժի լեզվով խոսել, որովհետև դրա հետևանքները կարող է շատ վտանգավոր լինել, երկրորդ, Չինաստանի համար ռազմավարական նշանակություն ունի այս փուլում նկատվող աշխարհակարգային փոփոխությունները և ՌԴ-Չինաստան հարաբերությունների նման մակարդակը երկկողմանի շահերի տիրույթում է։
Չինաստանը երևացող ու չերևացող գծերով լուրջ ռեսուրսներ և ջանքեր է ներդնելու ՌԴ-ին քաղաքական, ռազմական, տնտեսական աջակցություն ապահովելու հարցում, որովհետև, կրկնում եմ՝ դա առաջին հերթին բխում է իր շահերից և նրան այդ ճանապարհից շեղել, նույնիսկ տեսականորեն, դժվար է պատկերացնել»։
