Իսպանացի սննդաբան, փորձագետ Էլի Գալյեգոն նշել է այն երեք հիմնական մթերքները, որոնք կարող են վնասել աղիքները՝ բացասաբար ազդելով աղիների միկրոֆլորայի վրա, առաջացնելով դիսբալանս կամ պաթոլոգիաների զարգացում:

Այս մասին գրում է La Vanguardia-ն։

Ալկոհոլ

Սննդաբանի խոսքով՝ աղիների միկրոբիոմի գլխավոր թշնամիներից մեկը ալկոհոլն է, քանի որ այն կարող է փոխել դրա կառուցվածքը, ինչի պատճառով պաթոգեն բակտերիաները ներթափանցում են մարդու ներքին օրգաններ։

Գազավորված ըմպելիքներ

Գազավորված ըմպելիքները եւս վտանգավոր են երկարակեցության գլխավոր օրգանի համար։ Դրանք բառացիորեն հեղեղում են օրգանիզմը տոքսիններով և նվազեցնում իմունիտետը։ Գազավորված ըմպելիքներ հաճախակի օգտագործող անձինք աղիքները քրոնիկ բորբոքման վտանգի առաջ են կանգնեցնում:

Հացաբուլկեղեն, թխվածքեղեն

Գալյեգոն հավելել է, որ բուսական ճարպերը, որոնք մեծ քանակությամբ օգտագործվում են արդյունաբերական հացաբուլկեղենի, թխվածքեղենի մեջ, նույնպես բացասաբար են ազդում աղիքների վրա։