ԱԺ նախկին պատգամավոր Արման Աբովյանը ֆեյսբուքյան իր էջում գրում է.
«Դե ինչ, հավաստի աղբյուրները հաստատում են, որ նախապատրաստվում է շուտով անցկացնել եռակողմ «քննարկում» առաջին դեմքերի մակարդակով,այսինքն ռուսական կողմի միջնորդությամբ Փաշինյան-Ալիև ֆորմատով։
Ի ՞նչ սպասել։
Կարծում եմ, որ այս անգամ մեզ բոլորիս սպասում է այս կամ այն ձևաչափով երկու հիմնական դրույթների ամրագրում։
Առաջինը` կլինի այն, որ Հայաստանը և Ադրբեջանը կվերահսատատեն դելիմիտացիայի և դեմարկացիայի գործընթացների մեկնարկը, ինչը, մեղմ ասած, մի քիչ այդպես չէ, քանզի ադրբեջանական և հայկական կողմերը արդեն առանց որևէ փաստաթղթերի արդեն իսկ սկսել են «սահմանների» իբր ճշգրտումը, ինչը իրականում բերեց Հայաստանի Հանրապետության ինքնիշխան տարածքների օկուպացիայի և թույլ տվեց թշնամի Ադրբեջանին ապագա սրացումների ներքո վերահսկողություն սահմանել հայկական լոգիստիկ ուղիների ուղղությամբ։
Սա իրականում արդեն փաստ է, քանզի փաշինյանական իշխանությունները առանց որևէ կաշկանդվածության համաձայնվել են հանձնել` Գորիս-Կապան ավտոմայրուղու կարևորագույն հանտվածը:
Երկորդը` վերահաստավելու է, որ Հայսատանը և Ադրբեջանը ակտիվացնելու են իրենց քայլերը երկու երկրների միջև ճանապարհների իբր ապաշրջափակման համար, ինչը նշանակելու է, որ իհարկե է ոչ մի «միջանցք» չի լինի (սա միայն և միայն ռուսների և իրանցիների շնորհքն է, ոչ թե փաշինյանական իշխանությունների, սա պետք է շատ հստակ ֆիքսել), սակայն այս պարագայում Հայաստանը դառնում է Մեծ Թուրան հակահայկական ապազգային նախագծի առանցքային դերակատարը։
Թուրքերը հասկացան, որ այս փուլում Հայաստանի մասնատումը մի քիչ կհետաձգվի, սակայն այն պահից սկսած երբ թուրքերը և ադրբեջանցիները կստանան մեր տարածքով ուղիղ ճանապարհ պետք է միանշանակ սպասել, որ հետագայում Հայաստանի մասնատման վտանգը դառնալու է առավել քան իրատեսական։
Ճիշտ է, հիմնական խաղացողները (Ռուսաստանը, Իրանը, Չինաստանը և Հնդկաստանը) անելու են հնարհավորը, որպեսզի մաքսիմալ չեզոքացնեն վտանգները Հայաստանի համար (բնականաբար իրենց շահերից դուրս գալով ), սակայն շատ արագ փոփոխվող աշխարհաքաղաքական իրավիճակը թուրքերին կտա բազմաթիվ առիթներ` օգտագործելով իրենց դիրքերը հարվածել մեզ և վերջնակապես լուծել հայկական հարցը տարածաշրջանում։
Ու չկասկածեք, որ հենց այդպիսի հնարավորություն լինի,ապա թուրքերը խփելու են, հատկապես, որ ներկայիս իշխանությունները իրենց «խաղաղասիրական», իսկ իրականում` պարտվողական քայլերով անում են այդ հակահայկական սցենարի իրականացման համար ամեն ինչ»։
