Ապագա նորապսակներ արքայազն Հարիի և Մեգան Մարքլի՝ Վինձոր քաղաքի փողոցներով բաց կառքով շրջելու ցանկությունն իրավապահների համար իսկական գլխացավանաք է դարձել, քանի որ ոստիկանությունը վախենում է դիպուկահարներից, որոնք կարող են ահաբեկչություն իրականացնել։ Այս մասին գրում է Sunday Times-ը։ Հատուկ ծառայությունները մտավախություն են հայտնում, որ մայիսի 19-ին կայանալիք պսակադրության ժամանակ կարող է դիպուկահարի մասնակցությամբ ահաբեկչություն տեղի ունենալ։ Աղբյուրը պարբերականին ասել է, որ Վինձորում շատ տեղեր կան, որտեղ կարող են զինված մարդիկ թաքնվել, իսկ ահաբեկիչները՝ հարձակվել անցնող թափորի վրա։