ԱԺ «Հայաստան» դաշինքի պատգամավոր Գեղամ Մանուկյանը ֆեյսբուքյան իր էջում գրել է․ «Բազմազբաղվածության պատճառով նոր անդրադարձա, որ պայքարի ընկերներիցս որոշների, նախկին զինակիցներիս, նիկոլապաշտների, հողատուների, դավաճանների, դավաճանների պաշտպանների ու արդարացնողների մեջ մի ընդհանուր տեսակետ է արմատավորվում, թե նոյեմբերի 9-ին ենք պատրաստվում հանրահավաք անել։ Արդեն սկսել են շրջանառել, որ հանրահավաքը միայն նոյեմբերի 9-ին է։
ՈՉՉՉՉՉՉՉՉՉ։ ԱՅԴՊԵՍ ՉԷ։
Ամեն պահ ոտքի ելնելու անհրաժեշտություն կա։ Միայն անկեղծ լինենք, ո՞վ է պատրաստ կոչին արձագանքել։ Ո՞վ կելնի փողոց։ Կելնի մինչեւ վերջ։ ԱՐԳԵԼԵԼՈՒ ցանկացած հողատվություն։ ԶԻՋՈՒՄ։ Սա է լինելու գլխավոր նպատակը։ Իշխան Սաղաթելյանն ուղղակի հաստատել էր ոչ պաշտոնական տեղեկությունը, որ նոյեմբեր 9-10-ի համար քաղաքապետարան հանրահավաքի եւ երթերի հայտ է ներկայացվել։ Չանե՞ր Դաշնակցությունը։ Բա ո՞վ աներ։ Թող անեին պոռոտախոսները։ ՄԵՆՔ արել ենք, որոշել էինք, անելու ենք։ Անելու ենք նաեւ մինչ այդ։ Թերեւս վաղը, մյուս օրը, հաջորդ օրը։ Բայց կմիանա՞ք։ Որոշումն ամեն մեկինն է։
Միայն ցանկացած չարախնդություն չի ընդունվելու, արդարացվելու։
