Կարծում եք՝ տղամարդկանց գլխավոր գրգռիչները ժանեկազարդ ներքնազգեստներն ու կատարյալ կազմվա՞ծքն են: Սակայն կան բաներ, որ ավելի ուժգին են գրգռում տղամարդկանց երևակայությունը:
Զայրույթ
Անկեղծ ասած՝ դեռևս ոչ մի գիտնական չի բացատրել, թե ինչ են տղամարդիկ գտնում կատաղած կանանց մեջ, սակայն մենք բոլորս էլ կյանքում գոնե մի անգամ լսած կլինենք «դու գեղեցիկ ես, երբ զայրանում ես» արտահայտությունը: Տպավորություն է ստեղծվում, թե նրանք փորձում են հանգստացնել կամ ավելի զայրացնել կնոջը, բայց իրականում տղամարդիկ իսկապես հիանում են նրանցով, և դա խիստ գրգռում է նրանց:
Առավոտյան ձգումներ
Այսպես կոչված հարմարավետ կինն իր ընտրյալին անտարբեր չի թողնի: Իհարկե, բարձրակրունկ կոշիկներով դեֆիլեն նրան դուր կգա, բայց ահա անկողնու մեջ առավոտյան ձգումները և անգամ փոքր-ինչ ծիծաղելի, մանկական գիշերահագուստն ավելի մեծ ազդեցություն կարող են գործել: Եվ սա իր բացատրությունն ունի. քնաթաթախ վիճակում կինն ավելի անպաշտպան է թվում, հետևաբար այդ պահերին նա անվերապահորեն և ամբողջությամբ պատկանում է զուգընկերոջը, իսկ տիրելու զգացումից առավել հիասքանչ բան կա՞:
Մաքուր դեմք
Որոշ տղամարդիկ բացարձակապես անտարբեր են դիմահարդարման նկատմամբ, ուրիշներն էլ ցանկություն են ունենում մաքրել ձեր դեմքը: Եվ դա՝ այն դեպքում, երբ մենք գեղահարդարման միջոցներ ձեռք բերելու համար հսկայական գումարներ ենք ծախսում: Տղաները գերադասում են բնականությունը մաքուր տեսքով: Իհարկե, կասկածներ կան, որ նրանց պարզապես դուր չի գալիս պայքարել շրթներկի և տոնային քսուքի դեմ:
Թափթփված մազեր
Նույն սխեման է, ինչ գիշերահագուստով ձգումների դեպքում: Քամահարված մազերով դուք շատ հարմարավետ ու հարազատ եք թվում: Դուք, իհարկե, կարող եք աստղաբաշխական գումարներ ներդնել վարսահարդարման միջոցների մեջ, բայց նրան բոլորովին էլ կատարյալ հարդարած մազերը չեն դուր գալիս: Հավանաբար իմաստն այն է, որ նրան դուք եք դուր գալիս, այլ ոչ թե ձեր բազմաչարչար գանգուրները:
Երաժշտական որևէ գործիք նվագելը
Էականն այստեղ կոնկրետ գործիքը չէ, այլ նվագելու իրապես կանացի ոճը: Հակառակ սեռը դա շատ գայթակղիչ մի բան է համարում: Իսկ եթե դուք նաև տաղանդավոր երգչուհի եք, ապա, վստահաբար, ձեր ոտքերի առջև կհայտնվի գեղեցիկը գնահատող ոչ մեկ հոգի:
Վանդակավոր վերնաշապիկ
Վանդակավոր վերնաշապիկ հագած աղջիկը տղամարդկանց մոտ մի տեսակ վայրենու տպավորություն է թողնում, որը դեմ չէ նաև հիանալի արարքներ կատարելուն, բայց չափը մի անցեք: Երբեմն նաև այլ հագուստ կրեք, այլապես վանդակներն արդեն սովորական կթվան ու կկորցնեն իրենց էֆեկտը:
Կնճիռներ
Մեզ համար աչքերի շուրջը գործված առաջին սարդոստայնը կարող է արձակուրդ վերցնելու և ծերության առաջին նշանների համար ողբալու առիթ հանդիսանալ, բայց տղամարդիկ այդպես չեն մտածում: Շատերը համարում են, որ կնճիռները բավականին գայթակղիչ բան են: Նրանց կարծիքով՝ ծերության նշանները խոսում են այն մասին, որ իրենց առջև փորձառու, հասուն կին է:
Փորիկը
Երկրային տղամարդիկ համաձայն չեն նորաձևության աշխարհի ձևակերպումների հետ: Նրանց դուր չեն գալիս որովայնին խորանարդիկներ ունեցող կանայք: Մյուս կողմից՝ տղամարդիկ չեն կարողանում հասկանալ՝ ինչ անել գեղեցիկ սեռի կատարյալ ներկայացուցիչների հետ: Հո չե՞ս դնի պահարանի վրա տիկնիկի պես ու հիանաս նրանով կամ գումարներ ներդնես, որ նա միշտ պահպանի իր կատարելությունը:
Իսկ արժե՞ արդյոք ողջ կյանքում խմորեղենից ու համեղ ճաշատեսակներից հրաժարվել: Շատ տղամարդիկ գերադասում են «փափուկ» կանանց: Նրանք համարում են, որ փոքրիկ փորիկը բնական տեսք ունի: Բացի դրանից էլ՝ շոշափելիս հաճելի է, այնպես որ, մի բարդույթավորվեք:
Լավ ախորժակ
Ձեզ ոչ ոք չի առաջարկում բուրգերախեղդ լինել, սակայն ժամադրության ժամանակ թոշնած կաղամբի տերև ծամելն էլ լավ տարբերակ չէ: Տղամարդուն գեղեցկուհի է պետք, այլ ոչ թե մեռնող կարապ: Եթե դուք լավ ախորժակ ունեք, դա խոսում է ձեր ներքին ուժի մասին: Օրինակ՝ դուք հաստատ թքած ունեք, թե ինչ են մտածում ձեր մասին ուրիշները: Ավելին՝ այդպիսով դուք ոչ վերբալ ազդանշան եք տալիս այն մասին, որ կատարյալ առողջություն ունեք:
Փոքր կուրծք
Ուժեղ սեռի ոչ բոլոր ներկայացուցիչներն են երազում 5-րդ համարի կուրծք ունեցող զուգընկերուհու մասին: Շատերն առաջին տեղում դնում են կրծքի ձևն ու ձգությունը: Ինչպես հայտնի է, դրանք միշտ փոքր կուրծք ունեցողների մոտ են լավագույն տեսքն ունենում: Այնպես որ, պետք չէ բարդույթավորվել փոքր կուրծք ունենալու պատճառով:
Ցածր ձայն
Ճչան ձայնը նյարդայնացնում է, քանի որ հնարավոր չէ ողջ երեկո դիմանալ ուլտրաձայնի: Ավելի շահեկան են ցածր ձայները, իսկ եթե այն նաև թեթև խռպոտություն ունի, ապա այդպիսի ձայնով շշնջոցը գայթակղության կատարյալ տարբերակ է:
Ակնոց
Հնարավոր է՝ դպրոցում ձեզ նեղացրել են՝ բուսաբան կամ չորսաչքանի անվանելով ակնոց կրելու համար: Վնասի փոխհատուցումը ձեզ սպասում է հասուն տարիքում: Ապակիների հետևում կինը մի կողմից՝ խոցելի ու փխրուն է թվում, մյուս կողմից էլ՝ անկախ ու վստահ: Ե՛վ այն, և՛ մյուսը գրգռում են տղամարդկային երևակայությունը:
Լողազգեստից մնացած հետքեր
Դրանք ձեզ ավելի են հեռացնում սնդուսափայլ ամսագրերի էջերի արևահարված գեղեցկուհիներից, սակայն տղամարդիկ հենց դա էլ գնահատում են: Մի խոսքով՝ մարմնի սպիտակ հատվածները մուգ հատվածների համադրությամբ ավելի մերկ տեսք ունեն, չնայած դա պետք է տեսնել, զգալ:
Երկարափեշ կիսաշրջազգեստ
Ամեն ինչ շատ պարզ է: Դրա տակ գաղտնիք կա թաքնված: Այստեղ տեղին է հիշել մայրիկին ու տատիկին, ովքեր մանկությունից սովորեցրել են, որ չարժե ցուցադրել ամեն ինչ ու միանգամից: Թռչող կտորն ու մինչև հատակ հասնող կիսաշրջազգեստը ձեր ամեն ինչն են: Տղամարդիկ ենթադրում են, որ այնտեղ ինչ-որ աներևակայելի ու գերբնական բան է թաքնված, անգամ եթե նրանք ձեզ կարճ կիսաշրջազգեստով էլ են տեսել:
Բոբիկ ոտքեր
Հին ժամանակներում, երբ ժամանակակից ազատությունների մասին ոչ ոք չէր էլ երազում, բոբիկ ոտքերը մերկության ակնարկ էին համարվում: Հավատացեք, այսօր էլ են տղամարդիկ նույն կերպ մտածում:
