Դերասան Ջեքի Չանը ելույթ է ունեցել Պեկինում կայացած համաժողովում, որտեղ հայտարարել Է Չինաստանի կոմունիստական կուսակցությանը անդամակցելու ցանկության մասին: Այս մասին հայտնում է Global Times-ը։ Արտիստն ասել է, որ հպարտանում է իր ազգությամբ, ինչպես նաեւ նշել, որ տեսնում է՝ ՉԿԿ-ն կկատարի իր բոլոր խոստումները առաջիկա մի քանի տասնամյակների ընթացքում: Նա նաև մասնակցել է «Էպիկական ճանապարհորդություն» թատերական ներկայացմանը, որը նվիրված էր կուսակցության հարյուրամյակին։ Չանը խոստովանել է, որ տպավորված է զինվորականների տոկունությամբ եւ ոգով, որոնք պատերազմի ժամանակ ԿՊԿ-ի ղեկավարության ներքո պայքարել են Ճապոնական զավթիչների դեմ: Հիշեցնենք, որ անցյալ տարի Ջեքի Չանը խոստացել էր մեկ միլիոն յուան (143 հազար դոլար) վճարել այն մարդուն, որը կորոնավիրուսի դեմ պատվաստանյութ կստեղծի: Նա նաեւ ասել էր, որ գումար է նվիրաբերում Չինաստանում պաշտպանական հագուստներ եւ բժշկական դիմակներ ապահովելու համար: Դերասանը խոստովանել էր, որ չի ցանկանում շուրջը տեսնել դատարկ փողոցներ ու տխուր մարդկանց: