Անջելինա Ջոլիից բաժանվելուց հետո Բրեդ Փիթը քանդակագործության մեջ է մխիթարություն գտել և սկսել է ավելի շատ ժամանակ հատկացնել իր մյուս հոբիին՝ ճարտարապետությանը։ Արևմտյան լրատվամիջոցները հաղորդում են, որ Փիթը մտադիր է ընդհանրապես վերջ դնել դերասանական կարիերային՝ ամբողջովին տրվելով իր մյուս սիրելի զբաղմունքներին։ Մոտ կանգնած աղբյուրը հաղորդում է, որ հիմա Բրեդը չի կարող իրեն ամբողջովին նվիրել ճարտարապետությանը, քանի որ դեռևս նկարահանումների պայմանագրեր ունի, որոնք ավարտելուց հետո միայն կարող է լքել Հոլիվուդը։