Սոցիալական ցանցերում ԱՄՆ կինոդերասանների շարքում ժողովրդականություն վայելող անձնավորություն ճանաչվել է Ջենիֆեր Էնիսթոնը: Վարկանիշային աղյուսակը կազմվել է Facebook, Instagram, Twitter, Youtube սոցցանցերի օգտատերերի մեկնաբանությունների ուսումնասիրության հիման վրա: Այս մասին ասվում է MVP index վերլուծական ընկերության վարկանիշում, որը հրապարակել Է The Hollywood Reporter-ը։ Առաջատարը դերասանուհի Ջենիֆեր Էնիսթոնն է, որն Instagram-ում գրանցվել է հոկտեմբերի կեսերին։  Առաջին հրապարակումը ՝ «Ընկերներ» սերիալի դերասանների հետ համատեղ լուսանկարը, տասը ժամվա ընթացքում վեց միլիոն լայք է հավաքել: Մեկ օրվա ընթացքում դերասանուհու Էջին բաժանորդագրվել է գրեթե չորս միլիոն օգտատեր, այժմ Instagram-ում նրա Էջին հետեւում է 18 միլիոն մարդ: Վարկանիշի երկրորդ տեղը զբաղեցրել է Դուեյն Ջոնսոնը՝ «Ժայռ» մականվամբ, երրորդը՝ դերասանուհի Լիլի Ռեյնհարտն է: Հիշեցնենք, որ Ջենիֆեր Էնիսթոնը նույնպես հայտնվել է Հոլիվուդի ամենաբարձր վարձատրվող դերասանուհիների ցուցակում ՝ մեկ տարվա ընթացքում վաստակելով 28 մլն դոլար: