Սիրված կինոդերասանուհի, հաղորդավարուհի, երգչուհի Էլեն Ասատրյանը լռում է՝ երբ հարցը վերաբերվում է անձնականին։ Տեսախցիկը «սիրում  է» Էլենին, ինքը՝ աշխատանքը։ Irakanum.am-ի հետ զրույցում Էլեն Ասատրյանը խոսել է իր աշխատանքի, չափազանց զբաղված լինելու եւ Հայաստանի մասին իր պատկերացումներով։ Էլեն Ասատրյանը նշում է, որ դեռ մանկուց է զգացել, որ բեմում ինքը իրեն լիարժեք է զգալու։ «Միշտ էլ ունեցել եմ ներքին ցանկություն, եւ վստահ եմ եղել, որ իրականություն կդառնա, որովհետեւ իրականում մենք բոլորս էլ հոգու խորքում գիտենք, թե  ինչ է մեզ սպասվում, ինչն է տրամաբական, ինչը՝ ոչ։ Քանի, որ մայրս եղել է թատրոնի դերասանուհի, ու ես շփվել եմ բազմաթիվ արվեստագետների հետ, ինձ միշտ դուր է եկել բեմը, կինոն, տեսախցիկը եւ երբեք չեմ խուսափել  տեսախցիկներից, անգամ այն ժամանակ, երբ հայտնի չեմ եղել»,- ասաց Էլեն Ասատրյանը։ Հարցին, թե որքանո՞վ է կաշկանդում ձեզ տեսախցիկը, կինոդերասանուհին նշեց, որ չի ցանկանում մեծամտություն դիտվի իր ասածը, բայց կաշկանդվածության պահեր երբեք չեն եղել։ «Տեսախցիկը ինձ կկաշկանդի միայն այն դեպքում, եթե ես վստահ չլինեմ իմ ուժերի վրա, վերցնեմ ինձ վրա այնպիսի կերպար, որն ինձ համար չէ (չնայած չկա այդպիսի կերպար)։ Կարող եմ ասել, որ բացարձակ չի կաշկանդում, ես վստահ եմ զգում ինձ տեսախցիկի առաջ եւ այն նախագծերում, որտեղ հանդես եմ եկել, չի եղել մի օպերատոր որ չասի՝ «տեսախցիկը քեզ սիրեց»։ Էլեն Ասատրյանը գրեթե բոլոր նախագծերում՝ հեռուստասերիալներում բացասական կերպարներ է մարմնավում։ Բնավորությամբ, սակայն բարի եւ կենսուրախ է։   «Այո, իմ կերպարները գրեթե բոլորը բացասական են։ Ես բնավորությամբ էմոցիոնալ մարդ եմ, իմ ընկերները, իմ ընտանիքի անդամները բազմիցս են նկատողություն անում, որ չի կարելի այդքան էմոցիոնալ լինել, ամեն ինչին լուրջ վերաբերվել, բայց ես այդպիսին եմ, եւ ամենափոքր բանը կարող է ինձ նեղացնել, եւ ես արտասվեմ, բայց շուտ կարողանում եմ վերագտնել ինձ»,- նշեց նա։ Էլեն Ասատրյանը աշխատում է նաեւ Երեւանի ակումբերից մեկում, որպես հաղորդավորուհի եւ երգչուհի։ Նշում է, որ բոլոր աշխատանքներն էլ իրեն հոգեհարազատ են։ «Այն ինչ կապված է տեսախցիկի եւ  միկրոֆոնի հետ ինձ հոգեհարազատ է, այն ինչ կախված է մարդկանց լավ տրամադրություն պատճառելու հետ, մարդիկ երբ ինձ տեսնում են, լսում են, դա ինձ արդեն բավականություն է պատճառում»,- ասաց նա։ Հայտնի լինելն ունի նաեւ իր բացասական կողմերը։ Հատկապես փողոցում Էլենին «հանգիստ» չեն տալիս։  «Հատկապես դեռահաս երեխաները մոտենում եւ խնդրում են լուսանկարվել։ Տղաներից շատերին էլ թվում է, որ եթե իրենք ինձ ճանաչում են, ես էլ իրենց եմ պարտավոր ճանաչել։ Ես իհարկե այստեղ վատ բան չեմ տեսնում, եթե քեզ ճանաչում են, նշանակում է, դու կարողացել ես հասնել դրան, բայց իհարկե պահեր են գալիս, որ կողքիս այնպիսի մարդ է լինում, կամ այնպիսի վայրում եմ լինում, սկսում են նկարել, լարվում եմ»։ Որն է այն կետը, որին ձգտում է Էլեն Ասատրյանը, հարցին նա տվեց հետեւյալ պատասխանը․ «Ամեն ինչ իր հունով գնում է, ես ամեն ինչ հանձնել եմ Աստծուն եւ վստահ եմ նա ինձ ճիշտ ճանապարհով է ուղեկցում, եւ վստահ եմ, որ այն ինչ կլինի վերջում, կամ տարիներ անց, ես դրանից ինձ լիարժեք կզգամ»։ Գերզբաղված աշխատանքը խանգարում է անձնական կյանքին։ «Ես աշխատում եմ երեկոյան, այն ժամանակ երբ մարդիկ սովորաբար ավարտում են իրենց աշխատանքը, եւ սկսում են լավ ժամանակ անցկացնել իրենց ընկերների, հարազատների հետ։ Աշխատանքս էլ ուշ եմ ավարտում եւ ստիպված ցերեկներն եմ երկար քնում, բայց փորձում եմ ամեն ինչ հասցնել եւ համատեղել»։ Էլեն Ասատրյանը այնուամենայնիվ չցանկացավ նշել, թե ունի արդյո՞ք ընտրալ։ Ձեր սիրտն ազատ է հարցրեցինք նրան։ Սիրված կինոդերասանուհին նախընտրեց լռել՝ հետեւթյունները թողնելով ընթերցողներին։ Ինչ վերաբերում է իր երազած Հայաստանին, ապա Էլեն Ասատրյանը նշեց, որ քաղաքականությունից հեռու է, գնահատականներ արվածի ու չարվածի մասին չի ցանկանում նշել, ասաց միայն, որ իր երազած Հայաստանը դեռ չի եկել, բայց կարծում է, որ նոր իշխանությունները այդ ուղղությամբ քայլեր կձեռնարկեն։ Գովեստի խոսքեր իր հասցեին հաճախ է լսում, հպարտորեն նշում է, որ դրանք ոգեւորող են։ Էլեն Ասատրյանը եզրափակում է իր երկրպագուներին շատ է սիրում, կարեւորում է նրանցից յուրաքանչյուրի կարծինք ու խոստանում՝ երբեք հուսախաբ չանել։ Irakanum.am