Հայաստանի Հանրապետությունում պետք է երաշխավորված 

լինի պետական իշխանության իրականացումը Սահմանադրությանը և օրենքներին համապատասխան՝ օրենսդիր, գործադիր և դատական իշխանությունների բաժանման ու հավասարակշռման հիման վրա: Այդ իշխանություններից կամ դրանք ներկայացնող պաշտոնատար անձանցից յուրաքանչյուրն անվերապահ պարտականություն ունի՝ հարգանքով վերաբերվելու մյուսին և առաջնորդվելու միայն իրեն վերապահված կարգավիճակի հրամայականով ու սահմաններով:

Հայաստանի Հանրապետությունում դատարանների գործունեությանը և նրանց կողմից արդարադատության իրականացմանը որևէ միջամտություն արգելվում է: Փոխադարձ ատելության դրսևորումները կարող են անդառնալի հետևանքներ ունենալ մեր երկրի համար: Ոչ ոք կասկածի տակ չի կարող առնել այն հանգամանքը, որ իրավունքի գերակայությունը այլընտրանք չպետք է ունենա, սակայն դրա ապահովման ճանապարհը պետք է քաղաքակիրթ լինի: