Ակնհայտ է, որ Սյունիքի մարզում ստեղծված սպառնալիքներն ու ռիսկերը պահպանվում են: Այս մասին իր ֆեյսբուքյան էջին գրել է ընդդիմադիր «Պատիվ ունեմ» դաշինքի պատգամավոր Տիգրան Աբրահամյանը:

Մասնավորապես, ինչպես նշեց խորհրդարանականը, խոսքը տեղի բնակչության անվտանգության ապահովման մասին է:

«Ադրբեջանն ակտիվ շինարարական աշխատանքներ է իրականացնում իր վերահսկողության տակ գտնվող տարածքներում: Այդ աշխատանքները ունեն ինչպես ռազմական, այնպես էլ քաղաքացիական նշանակություն: Տագնապալի իրավիճակ է նաեւ Ղարաբաղի` Սյունիքին հարող օկուպացված տարածքներում: Այդ հատվածում ադրբեջանցիներն ամրապնդում են իրենց դիրքերը: Դա պայմանավորված է սահմանային զորամսերի տեղակայմամբ եւ համապատասխան ամրաշինական ենթակառուցվածքի սարքավորումներով»,- ասաց Աբրահամյանը: