Աշխարհում ամենամեծ արագությունը զարգացնող «Ամերիկյան բլուրներ» ատրակցիոնը ժամանակավորապես փակվել է այն բանից հետո, երբ վերջին ինն ամսում մի քանի մարդ կոտրել է մեջքն ու պարանոցը, գրում է Oddity Central-ը:

Do-Dodonpa ատրակցիոնը գտնվում է Ճապոնիայում՝ Fuji-Q Highland Park այգում. այն գործում է 2001-ից ի վեր՝ օգտվողներին առաջարկելով ադրենալինով լի փորձառություն: Ատրակցիոնը 0-180 կմ/ժ արագություն է զարգացնում 1,56 վայրկյանում և համարվում է աշխարհում ամենամեծ արագություն զարգացնող «Ամերիկյան բլուրներ» ատրակցիոնը:

Աղբյուրը նկատում է, որ չնայած «դժոխային արագությանը», այս ատարակցիոնը երբևէ մարդկանց վնասվածքներ ստանալու կամ դժբախտ պատահարների պատճառ չէր եղել. սակայն այդպես է եղել մինչև անցած տարվա դեկտեմբեր: Այդ ամսվանից ի վեր արձանագրվել է վեց դեպք, երբ կոտրվել են մարդկանց մեջքն ու պարանոցը:

Եվ թեպետ որևէ տեխնիկական խոտաններ չեն հայտնաբերվել, սակայն այգու տնօրինությունը որոշել է ժամանակավորապես դդարեցնել ատրակցիոնի աշխատանքը: