Հայաստանի ֆուտբոլի ազգային թիմի գլխավոր մարզիչ Խոակին Կապառոսը բարձր կարծիք ունի Հյուսիսային Մակեդոնիայի ընտրանու մասին:

«Հյուսիսային Մակեդոնիայի ընտրանու մասին բարձր կարծիքի եմ: Թիմն ապացուցեց, որ լավ աշխատանքի շնորհիվ կարելի է խոշոր միջազգային մրցաշարի մասնակցել: Իհարկե, թիմը նոր մարզիչ ունի, սակայն ֆուտբոլիստների մեծամասնությունը նույնն է, որոնք մասնակցեցին Եվրոպայի առաջնությանը»,- նախախաղային ասուլիս ժամանակ ասել է մարզիչը:

Իսպանացի մասնագետի խոսքով` անկախ մեծ հարգանքից, Հայաստանի ընտրանին պետք է խաղա իր խաղը:

«Մենք թիմային խաղ ենք դավանում: Մխիթարյանն իսկապես մեծ ֆուտբոլիստն է և գիտի, որ իր տաղանդը պետք է ծառայեցնի իր հավաքականին: Իսկ դա կբարելավի մեր խաղը»,-ասաց նա:

Ֆուտբոլի աշխարհի առաջնության ընտրական փուլի Հյուսիսային Մակեդոնիա-Հայաստան խաղը կկայանա սեպտեմբերի 2-ին և կմեկնարկի Երևանի ժամանակով 22:45-ին: