Քաղաքացին կոտրել է Հաղարծինի «Երազանքների ծառը»:Այս մասին իր ֆեյսբուքյան էջում գրել է «Անվտանգություն եւ ժողովրդավարություն» իրավապաշտպան ՀԿ նախագահ, նախկին պատգամավոր Նաիրա Զոհրաբյանը եւ տեսանյութ հրապարակել:

«Այ էսպես, թեթեւի մեջ, կոտրեցին նաեւ Հաղարծինի «Երազանքների ծառը»,- գրել  է նա:

Տեսանյութում երևում է, թե ինչպես է տղամարդը փորձում համառորեն անցնել Հաղարծինի «Երազանքների ծառի» միջով, սակայն չի կարողանում եւ  կոտրում է այն: Նշենք, որ  հարյուրամյակների պատմություն ունեցող այս  ծառը  շատերի համար ուխտատեղի էր հանդիսանում: