Կանադայի վարչապետ Ջասթին Թրյուդոն ստիպված է եղել չեղարկել ընտրական քարոզարշավը, երբ մի խումբ «կատաղի» ցուցարարներ խափանել են միջոցառման անցկացումը:

Ինչպես հայտնում է BBC News-ը, կանադացի վարչապետը նախատեսում էր իր աջակիցների առաջ ելույթ ունենալ Օնտարիո նահանգի Բոլթոն քաղաքում, սակայն միջոցառումը չեղարկվել  անվտանգության նկատառումներից ելնելով:

Տասնյակ ցուցարարներ հավաքվել էին հանրահավաքի անցկացման վայրում և անպարկեշտ արտահայտություններ ին բացականչում՝ թույլ չտալով վարչապետին ելույթ ունենալ:

Կանադայում խորհրդարանական ընտրությունները նախատեսված են սեպտեմբերի 20-ին: