Գերմանական Porsche ընկերությունը ներկայացրել է Taycan սեդանի և Taycan Cross Turismo ունիվերսալի նորացված տարբերակները՝ վերականգնելով 90-ականների վառ գունավորումը:

Ինչպես ներկայացնում է Motor.ru-ն, էլեկտրամեքենաները համալրված են մուլտիմեդիա համակարգով, որն ինտեգրվում է Android Auto գործառույթին: Գլխավոր առանձնահատկությունն այն է, որ և՛ սովորական Taycan-ը, և՛Taycan Cross Turismo-ն ավելացրել են առանց վերալիցքավորման ընթանալու տարածությունը, թեև ընկերությունը չի բացահայտում իրական թվերը:

Նշվում է, որ գերմանական մենքենաշինական հսկան բարելավել է նորույթների մարտկոցների ջերմակարգավորման համակարգը, ինչն ապահովում է վերալիցքավորման արագ տեմպը: